Gorka Álvarez
Idatzi

Sestaoko alkatea · Alcalde de Sestao

Sestaomartxan

Gorka Álvarez naiz, Sestaoko alkatea. Hemen jaio nintzen, eta hemen egin dut nire bizitza. Egunero lan egiten dut gure herria hobetzeko: jendeari entzunez eta proiektuak aurrera eramanez.

Nor naizLehentasunak
2015
Sestaoren alde lanean
2017—25
Legebiltzarra eta Udala
2025—
Sestaoko alkatea
Gorka Álvarez Sestaoko Las Llanas zumardian
Las Llanas zumardia. Argazkia: Xabier Seneiro

Sestaoko egunerokoa

Benetan axola duena.

Lana eta etxebizitza. Kale garbiak eta seguruak. Erantzuten duten zerbitzuak. Harro bizitzen jarraitzeko moduko herria.

Sestaoko ArcelorMittal eta La Naval instalazioen ikuspegia
ArcelorMittal eta La Naval. Argazkia: Xabier Seneiro
01

Kalitatezko enplegua Sestaon

La Navalek eta industria-proiektu berriek kalitatezko enplegua sortu behar dute. Nire betebeharra da aukera horiek Sestaoko herritarrengana ere iristeko lan egitea.

Sestaoko Las Llanas zumardi berrituaren ikuspegia
Las Llanas zumardia. Argazkia: Xabier Seneiro
02

Etxebizitza gehiago, auzo hobeak

Gure gazteek eta familiek beren bizi-proiektua Sestaon eraiki ahal izatea nahi dut. Horretarako, etxebizitza babestu gehiago eta alokairuko etxebizitza gehiago behar ditugu, eraikinak birgaitu behar ditugu eta gure auzoak hobetzen jarraitu behar dugu.

Sestaoko udal garbiketa-zerbitzuko ibilgailuak itsasadarraren ondoan
Udal garbiketa-zerbitzua · Sestao
03

Sestao garbi eta segurua

Kale garbiak, parke zainduak, aparkatzeko aukera eta Sestaon lasai ibiltzea ez dira xehetasun hutsak. Guztiak bizi-kalitatearen parte dira, eta egunero nabaritu behar dira.

Sestaoko Juan Ellacuría udal egoitzaren fatxada
Juan Ellacuría udal egoitza. Argazkia: Xabier Seneiro
04

Pertsonak zaindu, herria egin

Adinekoak behar bezala artatzea, behar duenari laguntzea eta merkataritza, elkartegintza, kultura eta kirola indartzea. Horrela egiten da herria.

Zertan ari gara

Proiektu zehatzak. Hurrengo urrats argiak.

Hauek dira bultzatzen ari garen jarduera estrategikoetako batzuk. Bakoitza zertan datzan eta hurrengo urratsa zein den argi azaldu nahi dut.

Zalantzarik baduzu? Hemen erantzuten dizut
Gorka Álvarez Sestaoko Martxoaren 8ko plazan
Martxoaren 8ko plaza · Sestao
01

La Naval eta Ikastunen Eskola

Sestaoko Ikastunen Eskolaren eta Txabarriren aireko ikuspegia
Ikastunen Eskola eta Txabarri. Argazkia: Xabier Seneiro

La Navaleko industria-jardueraren berreskuratzeak etapa berri bat ireki behar du Sestaorentzat. Ikastunen Eskola berreskuratzea aukera bat da prestakuntza, berrikuntza eta kalitatezko enplegua uztartzeko.

Egiaztatutako aurrerapena
Ikastunen Eskolaren bigarren fasearen kudeaketa Sestao Berriri agindu zaio, Soldarte programarako.Udalaren erabakia:
Egungo egoera
La Navaleko urbanizazio-proiektua onartuta dago. Ikastunen Eskolaren egitura eta inguratzailea birgaitu ondoren, bigarren fasea lizitatu da, soldadurako eta industria-ebaketako prestakuntza-espazioak egokitzeko.
Hurrengo urratsa
Urbanizazioari eta Eskolaren egokitzapenari jarraipena egitea, jarduera berriak eta prestakuntza- eta enplegu-aukerak errazteko.
Proiektuaren fitxa ikusi

Informazioa berrikusita:

02

Txikito Bidea

Txikito Bidearen infografia, pasabide, etxebizitza eta jolasgune berriekin
Txikito Bidea. Infografia: Floren Loizaga

Txikito Bidearen eraldaketak auzo berri bat sortzea ahalbidetuko du, etxebizitza libre, tasatu eta babestuekin, espazio publiko berriekin eta Sestao osoarekiko lotura hobeekin.

Egiaztatutako aurrerapena
Txikito Bideko urbanizazio- eta birpartzelazio-proiektuak idazteko lanak esleitu dira.Argitaratua:
Egungo egoera
Urbanizazio- eta birpartzelazio-proiektuak idazteko lanak esleituta daude. Auzo berriaren azpiegiturak eta zerbitzuak eta lurzatien banaketa zehaztuko dituzte.
Hurrengo urratsa
Urbanizazioa prestatzeko lanetan aurrera egitea eta auzo berriaren hurrengo urratsak zehaztea.
Proiektuaren fitxa ikusi

Informazioa berrikusita:

Informazio ofiziala:Sestaoko Udala
03

Txabarri-El Sol eta La Benedicta

Sestaoko Txabarri-El Sol eta La Benedictaren ikuspegi panoramikoa
Txabarri-El Sol eta La Benedicta. Argazkia: Xabier Seneiro

Txabarri-El Sol eta La Benedictako hiri-berroneratzeak etxebizitzak, eraikinak eta espazio publikoa hobetzea du helburu, auzoen nortasuna zainduz.

Egiaztatutako aurrerapena
Udalbatzak Txabarri-El Sol berroneratzeko hitzarmena beste lau urtez luzatzea onartu du.Argitaratua:
Egungo egoera
Eusko Jaurlaritzarekin eta Sestao Berrirekin dugun hitzarmena luzatu dugu, Txabarri-El Sol eraldatzen jarraitzeko, etxebizitza publikoen, birgaitzearen eta hiri-berrikuntzaren bidez. Horri Sestao Hobetuz planeko jarduketak gehitzen zaizkio, EGEF finantzaketarekin.
Hurrengo urratsa
Hitzarmeneko konpromisoak garatzea eta etxebizitza berriak, birgaitzea eta espazio publikoaren hobekuntza koordinatzea.
Proiektuaren fitxa ikusi

Informazioa berrikusita:

04

Vista Alegre

Sestaoko Grupo Vista Alegreren ikuspegia
Grupo Vista Alegre - Sestao

Vista Alegreren berrurbanizazioak kaleak, zerbitzuak eta irisgarritasuna berrituko ditu, auzoko eguneroko bizi-kalitatea hobetzeko.

Egiaztatutako aurrerapena
Obren eragin nagusiak argitaratu dira, Pablo Sorozábal kaleko hasierako esku-hartzea barne.Argitaratua:
Egungo egoera
Berrurbanizazioa faseka egiten da, eta sarbideetan, zirkulazioan eta aparkalekuetan izango diren aldaketen berri eman zaie auzotarrei.
Hurrengo urratsa
Obren jarraipena egitea, eragozpenak murriztea eta auzoko egunerokoan eragina duten aldaketen berri ematea.
Proiektuaren fitxa ikusi

Informazioa berrikusita:

Informazio ofiziala:Sestaoko Udala
05

Labe Garaia

Sestaoko Labe Garaiaren ikuspegia
Sestaoko Labe Garaia. Argazkia: Xabier Seneiro

Labe Garaia gure industria-memoriaren ikur nagusietako bat da. Hura berreskuratzeak ondarea, kultura eta Sestaorentzako proiekzio berri bat lotzen ditu.

Egiaztatutako aurrerapena
FERRUM inauguratu da Labe Garaia Parkean, TAC! 2026ren barruan.Argitaratua:
Egungo egoera
Labe Garaiaren inguruan FERRUM dago, Labe Garaia Parkean, TAC! jaialdiarekin eta industria-ondarearekin lotutako kultura-jarduerarekin.
Hurrengo urratsa
Inaugurazioa planifikatzen ari gara, eta turismo-bisitetarako irekitzeko lanean dihardugu.
Proiektuaren fitxa ikusi

Informazioa berrikusita:

Informazio ofiziala:Sestaoko Udala
06

Oinarrizko LH eta Las Llanaseko zentro berria

Las Llanaseko Oinarrizko Lanbide Heziketako zentroaren fatxada berritua
Las Llanaseko Oinarrizko Lanbide Heziketa. Argazkia: Xabier Seneiro

Las Llanaseko eskola zaharra Oinarrizko LHko zentro bihurtzeak prestakuntzarako espazio hobeak eskaintzea eta gure gazteei aukera berriak hurbiltzea ahalbidetzen du.

Egiaztatutako aurrerapena
Zentroko ekipamendua hornitzeko eta instalatzeko kontratua lizitatu da, 209.329,09 euroko aurrekontuarekin, BEZa barne.Lizitazioaren argitalpena:
Egungo egoera
Eraikin osoa amaituta dago. Altzari eta ekipamendu berriak prestatzen ari gara, zentroa guztiz prest uzteko.
Hurrengo urratsa
Altzarien eta ekipamenduaren instalazioa osatzea eta instalazio guztiak prestakuntza-jarduerarako prest uztea.
Proiektuaren fitxa ikusi

Informazioa berrikusita:

Sestaori buruz hizketan

Egiten dizkidazuen galderak

Herriko proiektuei eta egunerokoari buruz. Zertan ari garen, zer falta den eta zure ideiak nola helaraz diezazkidakezun azaldu nahi dizut.

Beste galderarik baduzu? Idatz iezadazu

Erantzunak berrikusita:

Zertan da Txikito Bidea?

Historian inoiz baino hurbilago gaude Txikito Bidea errealitate bihurtzetik.

Urbanizazio- eta birpartzelazio-proiektuak idazteko lanak esleituta daude. Hitz errazetan: proiektu horiek auzo berriaren kaleak, zerbitzu-sareak eta lurzatien banaketa zehaztuko dituzte.

Oraindik lana dago etxebizitzak eraikita ikusi aurretik. Nahiago dut aurrerapauso bakoitza egitateekin azaldu eta datak baieztatuta daudenean eman.

Ikusi Txikito Bidearen egoera
Zer egin behar dut etxebizitza babestu bat eskuratzeko?

Etxebide da erreferentzia: bertan baldintzak kontsultatu, etxebizitza-eskatzaile gisa izena eman eta zure eskaera kudea dezakezu.

Eskatzaile gisa izena ematea eta sustapen baten esleipenean parte hartzea urrats desberdinak dira. Sustapen bakoitzaren iragarkiak eta baldintzak berrikustea komeni da, noiz eta nola parte hartu jakiteko.

Etxebideko informazio ofiziala
La Navalek enplegua ekarriko al du Sestaoko herritarrentzat?

Helburu horrek gidatzen du nire lana: La Navaleko industria-jardueraren berreskuratzeak bertako herritarrentzako aukerak ekartzea.

Urbanizazio-proiektua onartuta dago, eta Ikastunen Eskola berreskuratzen ari gara, prestakuntza eta enplegua uztartzeko. Enpresekin eta prestakuntza-zentroekin lan egin behar dugu, aukera horiek herrira irits daitezen.

Ikusi La Navalen eta Eskolaren proiektua
Zer hobekuntza egiten ari dira auzoetan?

Vista Alegren kaleak, zerbitzuak eta irisgarritasuna berritzen ari gara. Txabarri-El Solen, Eusko Jaurlaritzarekin eta Sestao Berrirekin dugun hitzarmena luzatu dugu, etxebizitza publikoetan, birgaitzean eta elkarguneetan lanean jarraitzeko.

Niretzat, obra baten balioa bertan bizi direnen bizitza nola hobetzen duen da: erosoago ibiltzea, espazio zaindu bat izatea eta auzoaz gozatu ahal izatea.

Ezagutu auzoetako proiektuak
Noiz bisitatu ahal izango dugu Labe Garaia?

Inaugurazioa planifikatzen ari gara, eta turismo-bisitetarako irekitzeko lanean dihardugu.

Gure industria-historiaren ikur hori gertutik ezagutu eta gozatu ahal izatea nahi dut. Data eta bisiten antolaketa zehaztuta daudenean emango dugu horien berri.

Ikusi Labe Garaiaren proiektua
Nola helaraz diezazuket proposamen edo kezka bat?

Posta elektronikoz idatz diezadakezu, edo webgune honetako formularioa erabil dezakezu. Esan zerk kezkatzen zaituen, non gertatzen den edo zer ideia duzun Sestaorako.

Zenbat eta hobeto ulertu, orduan eta baliagarriagoa izango da elkarrizketa. Udal izapideetarako, erabili Udalaren kanal ofizialak; haren webgunerako esteka harremanetarako atalean duzu.

Joan harremanetarako formulariora

Martxan

Sestao martxan.

Udal jardunaren berri ere egunez egun eman behar da. Hemen ikus ditzakezu Sestao, bertako auzoak eta herritarrak hizpide dituzten nire azken argitalpenak.

Ikusi argitalpen guztiak Instagramen

Azken argitalpenak kargatzen…

Sestaoz gozatzeko

Sestao aste honetan

Kultura, gizarte-jarduerak eta kirola. Dena hemen, Sestaon.

Agenda kontsultatzen…

Sestaoko agenda ireki ↗

“Egiten dugun guztiak herritarren bizitza hobetu behar du.”

Gorka Álvarez#SestaoMartxan
Gorka Álvarez kultura-bisita batean, jertse beltzarekin eta besoak gurutzatuta

Kultura, irakurketa, musika eta bidaiak ere nire izaeraren parte dira.

#Sestao#Lana#Hurbiltasuna#Erantzukizuna

Nor naiz

Sestao nire etxea da.

1988an jaio nintzen hemen, eta hemen egin dut nire bizitza. Ondo ezagutzen dut Sestaoren izaera: langilea, konprometitua, solidarioa eta bere nortasunaz harro dagoena. Konfiantza bertan egonez, entzunez eta hitza betez irabazten da.

Nire Sestao

Sestaori lotutako bizitza

Irristatu edo erabili geziak irudiak ikusteko.

Gorka Álvarez txikitan, lehen urratsak egiten
Nire lehen urteak, Sestaon hazten.
Gorka Álvarez txikitan La Iberian, Mari Carmen lurrin-denda zaharraren aurrean
La Iberian, aitite-amamen Mari Carmen lurrin-denda zaharraren aurrean.
Gorka Álvarez gurasoekin Kaskoko plaza zaharrean, euskararen aldeko kamisetekin
Aita eta amarekin, Kaskoko plaza zaharrean, euskararen alde.
Gorka Álvarez La Salleko benjamin mailako areto-futbol taldearekin
La Salleko benjamin mailako areto-futbol taldearekin.
Gorka Álvarez alebin mailan San Pedro taldearekin
San Pedro taldean, alebin mailan.
Gorka Álvarez Sestao River Clubekin kadete mailan
Sestao River Cluben, kadete mailan.
Gorka Álvarez Azken Eguna taldearekin bateria jotzen
Azken Eguna taldearekin bateria jotzen, Batxilergoan eta unibertsitateko lehen urteetan.
Gorka Álvarez Lopategi Kultur Elkarteak antolatutako txokolatada batean
Lopategi Kultur Elkarteak antolatutako txokolatada batean.
Gorka Álvarez Makarios kuadrillarekin
Makarios kuadrillarekin.

Sestaorekin dudan lotura politika baino askoz lehenago hasi zen: Albiz ikastetxean eta La Salle-Begoñako Andra Marin egin nituen ikasketak; San Pedro eta Sestao River Club taldeetan futbolean jokatu nuen; eta herriko kultura- eta jai-bizitzan ere parte hartu dut, Lopategi Kultur Elkartearen bidez eta Sestaoko kuadrilletan.

Politika eta Administrazio Zientziak ikasi nituen UPV/EHUn; Analisi Politikoan espezializatu nintzen, eta Komunikazio Politiko eta Instituzionaleko prestakuntza osatu nuen. Erabakiak hartu aurretik arazoak ondo ulertzea gustatzen zait.

2015ean hasi nintzen zinegotzi lanean. Kultura, Kirola eta Euskara arloetako ardurak hartu nituen, eta udal bozeramaile ere izan nintzen.

2017tik 2025era Eusko Legebiltzarreko kide izan nintzen, udal lana alde batera utzi gabe. Nire jardunaren zati handi bat Hezkuntzan eta Unibertsitateetan ardaztu nuen, baita Segurtasunaren, Erakundeen eta Industriaren arloetan ere. Hezkuntzan, legebiltzarreko lantaldearen buru izan nintzen, eta Hezkuntza Itunaren eta ondorengo EAEko Hezkuntza Legearen oinarri izan zen lehen zirriborroa idatzi nuen. 2025eko apirilaren 4an legebiltzarkide kargua utzi nuen alkatetza hartu eta nire jardun guztia Sestaori eskaintzeko.

Nire ibilbidea

Beti Sestaoren zerbitzura.

Erantzukizun bakoitzak gehiago entzuten, erabakiak hobeto prestatzen eta proiektuak aurrera ateratzeko besteekin elkarlanean aritzen irakatsi dit.

Gorka Álvarez Eusko Legebiltzarreko saio batean
Eusko Legebiltzarra · Parlamento Vasco2017—2025

  1. Udalean hasi nintzen

    Zinegotzi hasi nintzen, Kultura, Kirola eta Euskara arloetako ardurak hartuta; udal bozeramaile ere izan nintzen.

  2. Eusko Legebiltzarra

    Udaleko lana eta legebiltzarkide-lana uztartu nituen, bereziki hezkuntzaren, unibertsitateen, segurtasunaren, erakundeen eta industriaren arloetan.

  3. Sestaoko alkatea

    2025eko apirilaren 4an legebiltzarkide kargua utzi eta alkatetza hartu nuen. Ordutik, nire indar guztiak Sestaoren zerbitzura jarrita ditut.

  4. Konpromiso berritua

    Nire alderdiak 2027ko udal-proiektua gidatzeko konfiantza jarri zuen nigan. Konfiantza hori ilusioz eta erantzukizun handiz hartu nuen.

Hitz egin

Esan nahi didazuna entzun nahi dut.

Ideiaren bat, kezkaren bat edo hobetu beharreko zerbait baduzu, posta elektronikoz, formularioaren bidez edo nire sareen bidez idatz diezadakezu. Horren berri izan nahi dut.

Zuzenean ere idatz diezadakezu

kaixo@gorkaalvarez.eus
Gorde nire kontaktuaPribatutasuna

Gorka Álvarez Martínez izango da zure datuen tratamenduaren arduraduna, eta zure adostasunarekin erabiliko ditu mezua artatzeko eta erantzuteko. Zure eskubideak baliatzeko, idatzi kaixo@gorkaalvarez.eus helbidera. Ez zara albisteen banaketa-zerrendetan sartuko. Ez erabili formulario hau udal izapideetarako, eskaera formaletarako edo datu sentikorrak bidaltzeko.

Gorka Álvarez bi pertsonarekin hizketan, Sestaoko Las Llanas zumardian
Las Llanas zumardia. Argazkia: Xabier Seneiro

Sareetan eta plataformetan ere

Idatzi UdalariSestaoko Udalaren webgunea

Ezagutu herria

Paseatu Sestaon

Ondarea, paseoak eta txokoak, zure erritmoan ezagutzeko.

Arakatu turismo-mapa
Argazkia: Xabier Seneiro